جماعت اسلامی کا اسلام آباد مارچ نومبر کے وسط میں ہوگا: حافظ نعیم

امیر جماعت اسلامی پاکستان حافظ نعیم الرحمان نے اعلان کیا ہے کہ پٹرولیم لیوی کی منسوخی اور عوامی حقوق کی بحالی کے لیے جماعت اسلامی کا اسلام آباد لانگ مارچ نومبر 2026ء کے وسط میں ہر صورت ہوگا اور اس فیصلے سے پیچھے نہیں ہٹا جائے گا۔ کراچی کے ادارہ نورِ حق میں پریس کانفرنس سے خطاب کرتے ہوئے انہوں نے حکومت سے مطالبہ کیا کہ مارچ سے قبل پٹرولیم لیوی ختم کرنے کا واضح نظام وضع کیا جائے۔ انہوں نے کہا کہ حکومت عوام سے ہر ماہ 150 ارب روپے لیوی وصول کر کے محض 32 ارب روپے کا نا کافی ریلیف دیتی ہے، جبکہ 100 ارب روپے سے زائد کا بوجھ غریب اور متوسط طبقے پر ڈالا جا رہا ہے۔ حافظ نعیم الرحمان نے واضح کیا کہ جماعت اسلامی نامکمل ریلیف کو قبول نہیں کرے گی اور مطالبات کی منظوری تک عوامی حقوق کی جنگ اسلام آباد کی سڑکوں پر لڑے گی۔