اسرائیلی انتخابات کے بعد حکومت سازی کی دوڑ، نیتن یاہو اور اپوزیشن کے متضاد دعوے

اسرائیل میں عام انتخابات کے بعد 77.7 فیصد کے تاریخی ٹرن آؤٹ کے ساتھ ووٹوں کی گنتی کا عمل جاری ہے، تاہم ایگزٹ پولز کے مطابق وزیراعظم بنیامین نیتن یاہو اور ان کے اہم حریف گادی آئزن کوٹ میں سے کوئی بھی 120 رکنی پارلیمان (کنیسٹ) میں حکومت سازی کے لیے درکار 61 نشستوں کی واضح اکثریت حاصل کرتا دکھائی نہیں دے رہا۔ ایگزٹ پولز کے مطابق نیتن یاہو کے بلاک کو 55 اور اپوزیشن رہنماؤں کو 50 کے قریب نشستیں ملنے کا امکان ہے، جبکہ عرب جماعتیں 15 نشستیں حاصل کر سکتی ہیں۔ دوسری جانب اپوزیشن رہنماؤں یائر لیپڈ، گادی آئزن کوٹ اور اوریت فرکاش ہاکوہن نے نیتن یاہو کی شکست اور عوام کی جانب سے تبدیلی کے فیصلے کا ادعا کرتے ہوئے نئی حکومت بنانے کے لیے کوششیں شروع کرنے کا اعلان کر دیا ہے، جبکہ نیتن یاہو نے بھی کامیابی کا دعویٰ کرتے ہوئے دائیں بازو کی مضبوط حکومت قائم کرنے کا عزم ظاہر کیا ہے۔