خیبرپختونخوا پولیس کا ڈرون اور اینٹی ڈرون نظام سیف سٹی سے منسلک

خیبرپختونخوا پولیس نے ملک میں پہلی بار ڈرون یونٹ اور اینٹی ڈرون نظام کو سیف سٹی منصوبے کے مرکزی کنٹرول روم سے براہِ راست منسلک کر دیا ہے۔ پولیس حکام کے مطابق اس جدید نظام کا اینٹی ڈرون ریڈار اپنے 5 کلومیٹر کے دائرہ کار میں اڑنے والے ہر ڈرون کی نگرانی کرے گا اور کسی بھی مشکوک ڈرون کے داخل ہوتے ہی فوری الرٹ جاری کرے گا۔ اس ٹیکنالوجی کے ذریعے حساس مقامات، ٹریفک اور جرائم کی 24 گھنٹے فضائی نگرانی ممکن ہو سکے گی۔ پشاور کے علاوہ ڈیرہ اسماعیل خان، بنوں اور لکی مروت میں بھی فعال کیے جانے والے اس نظام کے ذریعے دہشت گردی اور جرائم پیشہ عناصر کی بروقت نشاندہی میں مدد ملے گی اور تمام فضائی آپریشنز کو کنٹرول روم سے براہِ راست مانیٹر کیا جا سکے گا۔