تہران میں 4 ملکی اجلاس کا اعلامیہ جاری، علاقائی امن و سلامتی کے فروغ کیلئے مذاکرات جاری رکھنے پر اتفاق

پاکستان، سعودی عرب، ترکیہ اور ایران کے درمیان تہران میں منعقدہ اہم چار ملکی مشترکہ اجلاس اختتام پذیر ہو گیا ہے، جس میں علاقائی امن و سلامتی کے فروغ اور کشیدگی کے خاتمے کے لیے مذاکرات جاری رکھنے پر اتفاق کیا گیا ہے۔ یہ اجلاس پاکستانی آرمی چیف فیلڈ مارشل سید عاصم منیر کی تجویز پر منعقد ہوا، جس کی میزبانی ایرانی قومی سلامتی کونسل کے سیکریٹری محسن رضائی نے کی جبکہ اس میں ایرانی صدر مسعود پزشکیان، وزیرِ خارجہ عباس عراقچی، سعودی وزیرِ دفاع شہزادہ خالد بن سلمان اور ترکیہ کے انٹیلی جنس چیف ابراہیم قالن نے شرکت کی۔ مشترکہ اعلامیے اور سعودی بیان کے مطابق مکہ دفاعی اتحاد کے رکن ممالک کا یہ اہم سفارتی تحرک ایران اور امریکہ کے درمیان جاری فوجی کشیدگی کو کم کرنے، سفارتی حل کی تائید اور قطر و پاکستان کی جاری ثالثی کوششوں کی حمایت کا حصہ ہے۔