گھنی مونچھوں والے نومولود کی ویڈیو وائرل، سوشل میڈیا صارفین حیرت میں مبتلا

سوشل میڈیا پر گھنی اور سیاہ مونچھوں والے ایک نومولود بچے کی وائرل ویڈیو نے انٹرنیٹ صارفین کو شدید حیرت اور تذبذب میں مبتلا کر دیا ہے۔

سوشل میڈیا پوسٹس کے مطابق ایکواڈور سے وائرل ہونے والی اس عجیب و غریب ویڈیو میں پیدا ہونے والے بچے کے اوپری ہونٹ پر واضح اور گھنے سیاہ بال دکھائی دے رہے ہیں۔ بچے کی اس غیر معمولی اور منفرد شکل و صورت نے سوشل میڈیا صارفین کو دلچسپ اور مزاحیہ تبصرے کرنے پر مجبور کر دیا ہے۔

ایک صارف نے تبصرہ کرتے ہوئے لکھا کہ “بچے نے کنڈرگارٹن جانے کے بجائے سیدھا درمیانی عمر کے بحران (Midlife Crisis) میں قدم رکھ دیا ہے”، جبکہ ایک اور صارف نے مذاقاً کہا کہ “یہ بچہ پہلے سے ہی تین بچوں اور دو گھروں کے قرضوں کے ساتھ ریٹائر ہو کر پیدا ہوا ہے”۔ انٹرنیٹ صارفین نے بچے کی تصاویر پر ایڈیٹنگ کر کے مختلف مزاحیہ روپ بھی تیار کیے، جن میں اسے فوجی وردی میں ‘سپریم لیڈر’ کی تختی کے ساتھ، سگار پیتے ہوئے کاروباری لباس میں اور قدیم جنگجو کے روپ میں دکھایا گیا ہے۔