وزیراعلیٰ خیبرپختونخوا کی مبینہ حراست: پشاور ہائیکورٹ کا تحریری حکم نامہ جاری، آئی جی اور چیف سیکرٹری سے رپورٹ طلب

پشاور ہائیکورٹ نے وزیراعلیٰ خیبر پختونخوا سہیل آفریدی کی مبینہ حراست اور عدم بازیابی کے خلاف دائر حبسِ بے جا کی درخواست پر گزشتہ سماعت کا تحریری حکم نامہ جاری کر دیا ہے। وزیراعلیٰ کے بھائی محمد عامر کی جانب سے دائر کردہ درخواست پر بشیر خان وزیر اور محمد انعام یوسفزئی ایڈووکیٹ عدالت میں پیش ہوئے۔ عدالت عالیہ نے اپنے تحریری حکم نامے کے ذریعے آئی جی پولیس، سی سی پی او، چیف سیکرٹری اور سیکرٹری ہوم خیبر پختونخوا سے 10 روز کے اندر تفصیلی رپورٹ طلب کر لی ہے۔ حکم نامے میں فریقین سے وضاحت مانگی گئی ہے کہ منتخب وزیراعلیٰ اس وقت کہاں ہیں، آیا وہ زیرِ حراست ہیں یا کسی مجرمانہ مقدمے میں نامزد ہیں؟ عدالت نے معاملے پر تمام فریقین کو رپورٹس جمع کرانے کی ہدایت کرتے ہوئے کیس کی مزید سماعت 3 نومبر تک ملتوی کر دی ہے۔