الیکشن کمیشن نے اسلام آباد میں بلدیاتی انتخابات کا شیڈول جاری کر دیا، پولنگ 20 دسمبر کو ہوگی

الیکشن کمیشن آف پاکستان نے اسلام آباد میں بلدیاتی انتخابات کا باضابطہ شیڈول جاری کر دیا ہے، جس کے تحت وفاقی دارالحکومت میں پولنگ 20 دسمبر کو ہوگی۔ جاری کردہ شیڈول کے مطابق پولنگ کے روز صبح 8 بجے سے شام 4 بجے تک بغیر کسی تعطل کے ووٹ ڈالے جا سکیں گے۔ کاغذاتِ نامزدگی 2 سے 6 نومبر تک وصول کیے جائیں گے، جن کی جانچ پڑتال 9 سے 13 نومبر تک کی جائے گی، جبکہ امیدوار ریٹرننگ افسران کے فیصلوں کے خلاف 14 سے 18 نومبر تک اپیلیں دائر کر سکیں گے۔ الیکشن شیڈول کے اجرا کے ساتھ ہی اسلام آباد میں تقاریر اور تقرریوں و تبادلوں پر بھی پابندی عائد کر دی گئی ہے۔