سرکاری حج سکیم: دوسری قسط جمع کروانے کی تاریخ میں ایک روز کی توسیع

وزارتِ مذہبی امور نے سرکاری حج سکیم کے تحت منتخب عازمینِ حج کے لیے دوسری قسط جمع کرانے کی تاریخ میں ایک روز کی توسیع کر دی ہے، جس کے بعد عازمین آج رات 12 بجے تک اپنے بقایا واجبات جمع کرا سکتے ہیں۔ ترجمان وزارتِ مذہبی امور کے مطابق مقررہ وقت تک 1200 عازمین نے دوسری قسط جمع نہیں کرائی تھی، جنہیں انفرادی یاد دہانی کے پیغامات بھی بھیجے گئے ہیں۔ ترجمان نے واضح کیا کہ قسط جمع نہ کرانے کی صورت میں عازمینِ حج کی درخواستیں منسوخ کر کے پہلی قسط کی رقم واپس کر دی جائے گی، لہٰذا رہ جانے والے عازمین کے پاس واجبات کی ادائیگی کا آج آخری موقع ہے۔