قطر نے ہمیشہ مذاکرات کو ترجیح دی، پاکستان سفارتی کوششوں کو سراہتا ہے: محسن نقوی

وفاقی وزیر داخلہ محسن نقوی نے دوحہ میں گلوبل سیکیورٹی فورم سے خطاب کرتے ہوئے انکشاف کیا ہے کہ ایران اور امریکا کے درمیان کشیدگی کم کرنے اور مذاکرات کی راہ ہموار کرنے کے لیے پاکستان اور فیلڈ مارشل سید عاصم منیر نے کلیدی سفارتی کردار ادا کیا۔ انہوں نے بتایا کہ پاکستان نے اپریل میں اسلام آباد مذاکرات کی میزبانی کی جبکہ جون میں دونوں ممالک کے درمیان اسلام آباد مفاہمتی یادداشت پر دستخط ہوئے، علاوہ ازیں قطر اور سوئٹزرلینڈ کے پلیٹ فارمز کو بھی سفارتی پیش رفت کے لیے استعمال کیا گیا۔ محسن نقوی نے قطر کے سفارتی تعاون کو سراہتے ہوئے کہا کہ پاکستان کا مقصد کریڈٹ لینا نہیں بلکہ خطے کو کسی بھی بڑے فوجی تصادم سے بچانا اور انسانی جانوں کا تحفظ ہے۔ وزیر داخلہ نے پاکستان، سعودی عرب اور ترکیہ کے مکہ مشترکہ دفاعی معاہدے کو بھی علاقائی سلامتی کے لیے اہم قراد دیا۔