مودی کی بدترین پالیسیوں کیخلاف بھارتی نوجوانوں کی آواز بیرون ملک بھی پہنچ گئی

بھارت کے وزیراعظم نریندر مودی کی متنازع اور معاشی و سماجی پالیسیوں کے خلاف بھارتی نوجوانوں کا احتجاج اب بیرونِ ملک بھی شدت اختیار کر گیا ہے اور برطانیہ کے دارالحکومت لندن میں مودی حکومت کے خلاف شدید نعرے بازی کی گئی۔

بھارتی جریدے ‘انڈیا ٹوڈے’ کی رپورٹ کے مطابق سٹوڈنٹ فیڈریشن آف انڈیا (SFI) کے زیرِ اہتمام بھارتی نوجوانوں اور طلبہ نے لندن میں بھارتی ہائی کمیشن کے باہر ایک بڑا احتجاجی مظاہرہ کیا۔ سوشل میڈیا پلیٹ فارم ‘ایکس’ پر وائرل ہونے والی ویڈیوز میں دیکھا جا سکتا ہے کہ مظاہرین نے ہاتھوں میں علامتی بندر اٹھا رکھے تھے اور مودی کی 12 سالہ حکمرانی پر طنز کرتے ہوئے “چھپن انچ کی چھاتی والا چھوٹا بندر” کے نعرے لگائے۔

سیاسی و معاشی ماہرین کا کہنا ہے کہ اقتدار میں برقرار رہنے کے لیے مودی حکومت کی بدانتظامی، اقلیتوں پر مظالم اور انتہا پسندانہ رویوں نے عالمی سطح پر بھارت کی نام نہاد جمہوریت کا کھوکھلا پن بے نقاب کر دیا ہے اور بیرونِ ملک مقیم بھارتی نژاد نوجوان بھی اب اس حکومت کے خلاف کھلم کھلا میدانِ عمل میں آ چکے ہیں۔