سکیورٹی فورسز کا چاغی میں انٹیلی جنس بیسڈ آپریشن، 2 دہشت گرد ہلاک

بلوچستان کے ضلع چاغی میں سکیورٹی فورسز نے دہشت گردوں کی موجودگی کی خفیہ اطلاع پر کارروائی کرتے ہوئے انٹیلی جنس بیسڈ آپریشن (IBO) کیا ہے، جس کے نتیجے میں 2 دہشت گرد ہلاک ہو گئے ہیں۔

سکیورٹی ذرائع کے مطابق فائرنگ کے شدید تبادلے میں مارے جانے والے دہشت گرد سکیورٹی فورسز پر حملوں، تخریب کاری اور خطے میں امن و امان کی صورتِ حال خراب کرنے کی متعدد کارروائیوں میں مطلوب تھے۔ آپریشن کے دوران ہلاک دہشت گردوں کے قبضے سے بھاری مقدار میں اسلحہ، گولا بارود اور دھماکہ خیز مواد بھی برآمد کر لیا گیا ہے۔

سکیورٹی حکام نے علاقے میں مزید دہشت گردوں کی موجودگی کے خدشے کے پیشِ نظر گھیرے کو تنگ کرتے ہوئے کلیئرنس آپریشن شروع کر دیا ہے۔ فورسز کا کہنا ہے کہ ملک اور خصوصاً بلوچستان میں امن و امان کی بحالی اور دہشت گردی کے مکمل خاتمے تک ایسے کارروائیاں بلا تعطل جاری رہیں گی۔