مدینہ منورہ کی جانب داغا گیا کروز میزائل سعودی فضائی دفاعی نظام نے تباہ کردیا

سعودی اتحادی فوج نے دعویٰ کیا ہے کہ مملکت کے فضائی دفاعی نظام نے مدینہ ریجن کی جانب آنے والے ایک کروز میزائل کو فضا میں ہی انٹرسیپٹ کر کے کامیابی سے تباہ کر دیا ہے۔ غیر ملکی میڈیا رپورٹس کے مطابق ترجمان نے بتایا کہ دفاعی نظام نے میزائل کے داغے جاتے ہی اس کی نقل و حرکت کا سراغ لگایا اور بروقت کارروائی کرتے ہوئے اسے ہدف تک پہنچنے سے پہلے مار گرایا۔ ترجمان کا کہنا تھا کہ اتحادی کمانڈ کسی بھی قسم کے فضائی خطرے کا مقابلہ کرنے کے لیے مکمل طور پر چوکس ہے اور سعودی سرزمین، شہری تنصیبات اور اسلامی مقدسات کے تحفظ کے لیے تمام ضروری اور سخت اقدامات جاری رکھے جائیں گے۔