پیپلز پارٹی اور ن لیگ میں پسندیدہ عدالتی نامزدگیوں پر مفاہمت

اسلام آباد میں پاکستان پیپلز پارٹی اور پاکستان مسلم لیگ (ن) کے درمیان اعلیٰ عدلیہ میں تقرریوں پر جاری کشیدگی کے خاتمے کے بعد ایک اہم سیاسی پیش رفت سامنے آئی ہے۔ پاکستان پیپلز پارٹی کے چیئرمین بلاول بھٹو زرداری اور مسلم لیگ (ن) کے سینیٹر رانا ثناء اللہ کو باضابطہ طور پر جوڈیشل کمیشن آف پاکستان (JCP) کا رکن مقرر کر دیا گیا ہے۔ یہ تقرریاں پیپلز پارٹی کے سینیٹر فاروق ایچ نائیک اور نون لیگ کے رکن قومی اسمبلی شیخ آفتاب احمد کے کمیشن سے مستعفی ہونے کے بعد عمل میں لائی گئی ہیں۔

نئی سیاسی مفاہمت کے تحت بلاول بھٹو زرداری قومی اسمبلی میں حکومتی بنچوں جبکہ رانا ثناء اللہ سینیٹ کی نمائندگی کریں گے۔ ذرائع کے مطابق دونوں حکمران اتحادی جماعتوں کے درمیان اس نئی پیش رفت کے بعد پیپلز پارٹی کی جانب سے تجویز کردہ اور حمایت یافتہ امیدواروں کے ناموں پر دوبارہ غور کیے جانے کا قومی امکان ہے۔ واضح رہے کہ گزشتہ کچھ ماہ سے پیپلز پارٹی کے اندر عدالتی عہدوں کے لیے اپنے امیدواروں کی منظوری نہ ملنے پر شدید بے چینی پائی جاتی تھی، جس کا اب اس اہم تناظر میں حل نکال لیا گیا ہے۔