عمرہ کے نام پر انسانی اسمگلنگ کا انکشاف، 2 لاکھ پاکستانی زائرین تاحال وطن واپس نہ پہنچ سکے

رواں سال عمرہ ادا کرنے کے لیے پاکستان کے مختلف ایئرپورٹس سے سعودی عرب جانے والے زائرین کے حوالے سے انتہائی اہم انکشاف سامنے آیا ہے، جہاں 2 لاکھ 12 ہزار سے زائد پاکستانی عمرہ زائرین مقررہ مدت ختم ہونے کے باوجود تاحال وطن واپس نہیں پہنچ سکے ہیں۔ ذرائع کے مطابق اس اتنی بڑی تعداد میں زائرین کا بیرونِ ملک قیام پاکستان اور سعودی عرب کی ایوی ایشن و مذہبی امور سے متعلقہ اتھارٹیز کے لیے تشویش کا باعث بن گیا ہے۔

سعودی وزارتِ حج و عمرہ اور پاکستانی وزارتِ مذہبی امور کی جانب سے معاملے کا نوٹس لیتے ہوئے ڈیٹا کی جانچ پڑتال کا عمل تیز کر دیا گیا ہے۔ حکام اس بات کا جائزہ لے رہے ہیں کہ آیا ان زائرین کی واپسی کی فلائٹس میں تاخیر ہوئی ہے یا پھر بڑی تعداد میں افراد عمرہ ویزے کی مدت سے تجاویز کر کے وہاں غیر قانونی طور پر مقیم ہو چکے ہیں۔ ایوی ایشن ذرائع کا کہنا ہے کہ عمرہ ویزہ قوانین اور مروجہ ضوابط کی خلاف ورزی کرنے والوں کے خلاف سعودی قوانین کے تحت سخت قانونی و انتظامی اقدامات کیے جا سکتے ہیں۔