پی آئی اے کے بیڑے میں جدید ترین بوئنگ 787 ڈریم لائنر طیارے شامل کرنے کا معاہدہ

قومی فضائی کمپنی (پی آئی اے) اور نورس اٹلانٹک کے درمیان دو جدید ترین بوئنگ 787-9 ڈریم لائنر طیاروں کے حصول کا اہم معاہدہ طے پا گیا ہے۔ پی آئی اے کے ترجمان کے مطابق یہ پہلا موقع ہے کہ بوئنگ 787-9 ڈریم لائنر طیارے پاکستانی ایوی ایشن انڈسٹری کا حصہ بن رہے ہیں، جو کہ مسافروں کو بین الاقوامی معیار کی جدید سہولیات فراہم کرنے کے عزم کا مظہر ہے۔ ان طیاروں کو برطانیہ کے لیے فضائی آپریشن میں وسعت دینے کے لیے استعمال کیا جائے گا، اور جدید ترین انٹرفیس اور کیبن سہولیات سے آراستہ یہ طیارے نومبر 2026 کے آغاز سے برطانیہ اور دیگر یورپی روٹس پر باقاعدہ پروازیں شروع کریں گے۔ ترجمان کا کہنا ہے کہ نئی انتظامیہ کے تحت بین الاقوامی پروازوں کے نیٹ ورک کو جدید خطوط پر استوار کرنے کے لیے اقدامات تیزی سے جاری ہیں۔