امریکا میں سمندری طوفان ایسیاس شدت اختیار کرنے لگا، کیٹیگری 3 میں تبدیل ہونے کا امکان

امریکا میں سمندری طوفان ’ایسیاس‘ مزید خطرناک شکل اختیار کرتا جا رہا ہے، جس کی ہواؤں کی رفتار 110 میل فی گھنٹہ ریکارڈ کی گئی ہے اور نیشنل ہریکین سینٹر کے مطابق اس کے کیٹیگری 3 میں تبدیل ہونے کا قوی امکان ہے۔ طوفان کے امریکی خلیجی ساحل سے ٹکرانے کے پیش نظر ساحلی علاقوں میں 7 فٹ تک بلند لہریں اٹھنے اور 15 انچ تک موسلا دھار بارش کا خدشہ ظاہر کیا گیا ہے۔ طوفان کے خطرے کے پیش نظر الاباما، فلوریڈا اور جارجیا کے مختلف علاقوں میں ہنگامی حالت نافذ کر دی گئی ہے جبکہ فلوریڈا کے بعض ہوائی اڈوں کو بھی بند کیے جانے کا امکان ہے۔ محکمہ موسمیات نے طوفان کے باعث بڑے پیمانے پر بجلی کی بندش اور اچانک بگولے بننے کے خطرے سے بھی خبردار کیا ہے۔