مستحق طبقات کو سہولتوں کی فراہمی کیلئے بھرپور کوشش کی جائے: اسحاق ڈار

نائب وزیراعظم و وزیر خارجہ سینیٹر اسحاق ڈار کی زیر صدارت فیول سبسڈی اسکیم پر ایک اہم مشترکہ اجلاس منعقد ہوا، جس میں وزیراعظم فیول ریلیف اسکیم کی نیشنل اسٹیئرنگ کمیٹی اور میڈیا مینجمنٹ کمیٹی کی کارکردگی کا تفصیلی جائزہ لیا گیا۔ اجلاس کے دوران اسحاق ڈار نے ہدایت کی کہ مستحق طبقات کو ریلیف اور سہولتوں کی فوری فراہمی کے لیے تمام ممکنہ اقدامات بروئے کار لائے جائیں اور متعلقہ وزارتوں کے مابین باہمی روابط کو مزید مؤثر بنایا جائے۔ اجلاس میں صوبائی حکومتوں، آزاد کشمیر اور گلگت بلتستان کی انتظامیہ کی جانب سے دی جانے والی تجاویز کو سراہا گیا۔ اجلاس میں وزیر آئی ٹی، وزیر ماحولیاتی تبدیلی، وزیر پیٹرولیم، وزیر مملکت برائے خزانہ اور وزیراعظم کے معاون خصوصی سمیت اعلیٰ سرکاری حکام نے شرکت کی۔