حافظ نعیم الرحمان کا مفت تعلیم کے حق میں تحریک شروع کرنے کا اعلان

امیر جماعت اسلامی حافظ نعیم الرحمان نے پشاور پریس کلب میں میڈیا سے گفتگو کرتے ہوئے ملک میں مفت تعلیم کے حق میں ایک نئی تحریک شروع کرنے کا باضابطہ اعلان کر دیا ہے۔ انہوں نے حکومت کو تنقید کا نشانہ بناتے ہوئے کہا کہ پیٹرول کے ہر لیٹر پر 135 روپے ٹیکس اور بھاری بجلی کے بلوں نے عوام کا جینا محال کر رکھا ہے، جبکہ حکمران ٹیکس وصول کرنے کے باوجود بچوں کو بنیادی تعلیمی سہولیات فراہم کرنے میں مکمل طور پر ناکام ہیں۔ حافظ نعیم الرحمان نے اعداد و شمار پیش کرتے ہوئے بتایا کہ پنجاب میں ایک کروڑ 18 لاکھ، سندھ میں 70 لاکھ اور خیبرپختونخوا میں 50 لاکھ بچے اسکولوں سے باہر ہیں۔ انہوں نے کہا کہ جماعت اسلامی ملک بھر میں ’بنو قابل‘ جیسے پروگرامز کے ذریعے لاکھوں نوجوانوں کو اسکالرشپ پر تربیت فراہم کر رہی ہے، اور اب حکومت کی نااہلی کے خلاف مفت اور معیاری تعلیم کے حصول کے لیے بھرپور عوامی تحریک چلائی جائے گی۔

میٹا ڈسکر