ٹرمپ ایران پر نئے حملوں کے حوالے سے ہچکچاہٹ کا شکار ہیں: نیویارک ٹائمز

معروف امریکی اخبار نیویارک ٹائمز کی ایک رپورٹ کے مطابق امریکی فوج کی جانب سے ایران پر تین روزہ شدید حملوں کی منصوبہ بندی کی جا رہی ہے، تاہم امریکی صدر ڈونلڈ ٹرمپ تاحال ایران پر نئے حملوں سے متعلق کشمکش کا شکار ہیں۔ رپورٹ میں انکشاف کیا گیا ہے کہ ممکنہ حملوں میں ایران کے میزائل اور ڈرون ذخائر، توانائی کی تنصیبات اور پاسداران انقلاب کے کمانڈ مراکز کو نشانہ بنایا جا سکتا ہے۔ اخبار کے مطابق صدر ٹرمپ گزشتہ چند ماہ میں ایران اور حوثی ملیشیا کے خلاف حملوں کی پانچ مختلف تجاویز مسترد کر چکے ہیں، جبکہ دوسری جانب ایران نے جنگ کے بعد اپنے دفاعی نظام کو دوبارہ مضبوط کر لیا ہے اور ستمبر سے اب تک مبینہ طور پر 13 بحری جہازوں کو نشانہ بنایا گیا ہے جس پر امریکا کی جانب سے تاحال کوئی عسکری ردعمل سامنے نہیں آیا۔