ماہ ستمبر 2026 کے دوران ملک میں 5 ہزار 241 نئی کمپنیاں رجسٹرڈ

سکیورٹیز اینڈ ایکسچینج کمیشن آف پاکستان (ایس ای سی پی) کے جاری کردہ اعداد و شمار کے مطابق ماہ ستمبر 2026 کے دوران ملک میں 5,241 نئی کمپنیاں رجسٹرڈ کی گئی ہیں، جس کے بعد رجسٹرڈ کمپنیوں کی مجموعی تعداد 3 لاکھ 17 ہزار کی سطح پر پہنچ گئی ہے۔ ایس ای سی پی کے مطابق کل رجسٹریشنز کا 99.9 فیصد حصہ آن لائن مکمل کیا گیا جن میں 3,013 پرائیویٹ لمیٹڈ، 2,058 سنگل ممبر اور دیگر کمپنیاں شامل ہیں۔ صوبائی لحاظ سے پنجاب 2,740 نئی کمپنیوں کے ساتھ سرفہرست رہا جبکہ آئی ٹی کا شعبہ 920 نئی کمپنیوں کے قیام کے ساتھ پہلے نمبر پر براجمان رہا۔ اس کے علاوہ ستمبر کے دوران 167 غیر ملکی سرمایہ کاروں نے بھی شرکت کی جن میں چینی سرمایہ کار سرفہرست ہیں، جبکہ کاروباری اداروں میں خواتین کی شراکت کا تناسب بھی قابل ذکر رہا۔