سندھ ہائیکورٹ آئینی بنچز کی مدت میں توسیع کیلئے جوڈیشل کمیشن کا اجلاس طلب

چیف جسٹس آف پاکستان جسٹس یحییٰ آفریدی نے جوڈیشل کمیشن آف پاکستان (JCP) کا اہم اجلاس 13 اکتوبر 2026ء کو طلب کر لیا ہے۔ سپریم کورٹ کے کانفرنس روم میں دوپہر 1:30 بجے منعقد ہونے والے اس اجلاس کی صدارت چیف جسٹس یحییٰ آفریدی خود کریں گے۔

اجلاس کے ایجنڈے میں سندھ ہائیکورٹ میں قائم آئینی بنچز کی مدت میں توسیع اور اس سے متعلقہ امور پر تفصیلی غور و خوص شامل ہے۔ واضح رہے کہ سندھ ہائیکورٹ میں آئینی بنچز کے لیے مقررہ موجودہ مدت 25 اکتوبر 2026ء کو ختم ہو رہی ہے، جس کے پیشِ نظر جوڈیشل کمیشن آئینی و قانونی تقاضوں کو مدنظر رکھتے ہوئے آئندہ کے لائحہ عمل اور بنچز کی توسیعی منظوری کا فیصلہ کرے گا