کرک میں گیس کنکشن کرتے ہوئے دھماکہ، مکان کا ایک حصہ منہدم، 4 افراد جاں بحق

خیبرپختونخوا کے ضلع کرک کے علاقے سپینہ (الوڑگی بانڈہ) میں رات کے آخری پہر گیس کنکشن کے کام کے دوران ایک گھر میں شدید دھماکہ ہوا، جس کے نتیجے میں عمارت کا ایک حصہ منہدم ہو گیا اور دو خواتین اور دو بچوں سمیت 4 افراد جاں بحق ہو گئے۔ ریسکیو حکام کے مطابق حادثے میں 5 افراد زخمی بھی ہوئے ہیں جن کی حالت تشویشناک ہونے کے باعث انہیں فوری طور پر پشاور منتقل کر دیا گیا ہے۔ ایک خاتون اور بچی موقع پر ہی جاں بحق ہو گئی تھیں جبکہ دیگر نے اسپتال میں دم توڑا۔