وزیرِ اعظم کا قلات میںکامیاب آپریشن پر سیکیورٹی فورسز کو خراجِ تحسین

زیرِ اعظم محمد شہباز شریف نے بلوچستان کے ضلع قلات میں فتنۂ ہندوستان کے خلاف سیکیورٹی فورسز کے کامیاب آپریشن پر افسران و اہلکاروں کو سراہتے ہوئے انہیں خراجِ تحسین پیش کیا ہے۔
وزیرِ اعظم نے کہا کہ بھارتی پشت پناہی میں سرگرم چار دہشت گردوں کو جہنم واصل کرنا سیکیورٹی فورسز کی اعلیٰ پیشہ ورانہ مہارت اور جرات مندانہ کارکردگی کا منہ بولتا ثبوت ہے۔انہوں نے کہا کہ دہشت گردی کی لعنت کے مکمل خاتمے تک یہ جنگ جاری رہے گی، کیونکہ ملک کا امن، ترقی اور خوشحالی دہشت گردی سے پاک پاکستان سے ہی وابستہ ہے۔وزیرِ اعظم نے اس عزم کا اعادہ کیا کہ ارضِ وطن کے دفاع اور سلامتی کے غیر متزلزل عزم میں وہ خود اور پوری قوم افواجِ پاکستان کے شانہ بشانہ کھڑے ہیں۔
شہباز شریف نے کہا کہ سیکیورٹی فورسز کی قربانیاں وطنِ عزیز کے استحکام کی ضمانت ہیں اور پوری قوم دہشت گردی کے خلاف اس جدوجہد میں اپنی بہادر فورسز پر فخر کرتی ہے