المخا میں یمنی افواج کے ساتھ جھڑپوں میں 5 حوثی ہلاک، 13 زخمی

یمن کی سرکاری فوج نے حوثی ملیشیا کے خلاف جاری ملکی سطح کے ملٹری آپریشنز کے دوران تازہ ترین حملوں میں 5 حوثی باغیوں کی ہلاکت اور 13 کے زخمی ہونے کا دعویٰ کیا ہے۔ عرب میڈیا کی رپورٹس کے مطابق، یمنی مسلح افواج تعز، مآرب اور الحدیدہ کے حساس محاذوں پر حوثی باغیوں کے ٹھکانوں پر زمینی اور فضائی حملے مسلسل جاری رکھے ہوئے ہے۔ یمنی فوج نے الجوف کے علاقے میں حوثی ملیشیا کی عسکری گاڑیوں اور جنگجوؤں کے اجتماعات کو نشانہ بنانے کے لیے بمبار ڈرون طیاروں کا استعمال کیا۔

یمنی فوج کی جانب سے جاری کردہ باضابطہ بیان کے مطابق، گزشتہ 72 گھنٹوں کے دوران حوثی ملیشیا کی پیش قدمی اور فوجی تنصیبات کے خلاف مجموعی طور پر 756 کارروائیاں کی گئی ہیں۔ بیان میں مزید دعویٰ کیا گیا ہے کہ ان وسیع پیمانے کی کارروائیوں اور شدید بمباری کے نتیجے میں اب تک مجموعی طور پر 2 ہزار 316 حوثی جنگجو ہلاک یا شدید زخمی ہو چکے ہیں، جبکہ ان کی ملٹری سپلائی لائنز کو شدید نقصان پہنچا ہے۔