لاہور ہائیکورٹ: علیمہ خانم کو جیل میں ادویات، کپڑوں اور فیملی تک رسائی کی درخواست، عدالت نے سپرنٹنڈنٹ جیل سے آج دوپہر رپورٹ طلب کر لی

لاہور ہائیکورٹ میں بانی پی ٹی آئی کی ہمشیرہ علیمہ خانم کو جیل میں ضروری ادویات، کپڑوں کی فراہمی اور فیملی و وکلاء تک رسائی کے لیے دائر کردہ متفرق درخواست پر سماعت ہوئی۔عدالتِ عالیہ کے جسٹس عبہر گل نے علیمہ خانم کے بیٹے شاہ ریز کی جانب سے دائر کی جانے والی درخواست پر سماعت کی۔ عدالت میں درخواست گزار کی جانب سے وکیل رانا مدثر عمر ایڈوکیٹ پیش ہوئے۔ سماعت کے دوران مؤقف اختیار کیا گیا کہ ڈپٹی کمشنر (ڈی سی) لاہور کی جانب سے علیمہ خانم کی نظر بندی کا نوٹیفکیشن جاری کیا گیا ہے، اور انہیں جیل کے اندر بنیادی انسانی اور قانونی سہولیات سے محروم رکھا جا رہا ہے۔درخواست میں استدعا کی گئی کہ عدالت جیل انتظامیہ کو حکم دے کہ علیمہ خانم کو فوری طور پر ضروری ادویات، کپڑے فراہم کیے جائیں اور ان کی فیملی તથા وکلاء تک باقاعدہ رسائی کو یقینی بنایا جائے۔