آبنائے ہرمز دوبارہ کھولنے کا فیصلہ مذاکراتی معاہدے سے مشروط ہے، عباس عراقچی

ایرانی وزیرِ خارجہ عباس عراقچی نے اہم سفارتی پیش رفت پر بات کرتے ہوئے واضح کیا ہے کہ آبنائے ہرمز کو دوبارہ کھولنے کا حتمی فیصلہ مخصوص بین الاقوامی شرائط کے پورا ہونے اور ایک جامع مذاکراتی معاہدے کے طے پانے سے مشروط ہے۔ انہوں نے انکشاف کیا کہ تہران نے اقوامِ متحدہ کی جنرل اسمبلی کے اجلاس کے موقع پر قطر کی ثالثی کے ذریعے امریکی فریق کو ایک باقاعدہ امن تجویز ارسال کی تھی، تاہم امریکی صدر ڈونلڈ ٹرمپ کی جانب سے اس ابتدائی تجویز کو عام طور پر مسترد کرنے کا اعلان سامنے آیا ہے۔

ایرانی وزیرِ خارجہ کا کہنا تھا کہ تہران ابھی تک ثالثی کا کردار ادا کرنے والے ممالک کے ذریعے واشنگٹن کے باضابطہ اور حتمی مؤقف کا منتظر ہے۔ ایران کی طرف سے پیش کی گئی امن تجویز کے تحت اگر کوئی معاہدہ طے پا جاتا ہے تو آبنائے ہرمز کو دوبارہ بحال کرنے کے لیے 7 روزہ مرحلہ وار عمل شروع کیا جائے گا اور خطے میں تمام عسکری کارروائیوں کو روک دیا جائے گا۔ تاہم ایرانی حکام نے قطعی طور پر واضح کیا ہے کہ اپنے جوہری پروگرام اور یورینیم کی افزودگی جیسے بنیادی قومی حقوق پر ایران کسی قسم کا سمجوتہ یا دستبرداری قبول نہیں کرے گا۔