امید ہے ترکیہ دوبارہ امریکا کے F-35 لڑاکا طیارے کے پروگرام میں شامل ہو جائیگا: اردگان

ترکیہ کے صدر رجب طیب اردگان نے امید ظاہر کی ہے کہ ترکیہ جلد دوبارہ امریکہ کے F-35 سٹیلتھ لڑاکا طیاروں کے پروگرام کا حصہ بن جائے گا۔ نیویارک میں اقوامِ متحدہ کی جنرل اسمبلی کے اجلاس سے واپسی پر طیارے میں میڈیا سے گفتگو کرتے ہوئے ترکیہ کے صدر نے کہا کہ انہیں توقع ہے کہ واشنگٹن انتظامیہ اس مقصد کے حصول کے لیے عملی اور ٹھوس اقدامات کرے گی۔

صدر اردگان نے مزید بتایا کہ امریکی صدر کے ساتھ گفتگو کے دوران انہوں نے ترکیہ کی F-35 پروگرام میں واپسی سے متعلق مثبت رویہ اور دلچسپی کا اظہار کیا ہے۔ انہوں نے کہا کہ دونوں ممالک کے مابین دفاعی تعاون کی بحالی خطے کی سیکیورٹی کے لیے اہم پیش رفت ثابت ہوگی۔