بانی پی ٹی آئی سے رفقاء کی ملاقات کا وقت ختم، کسی رہنما کو اجازت نہ مل سکی

اڈیالہ جیل میں بانی پی ٹی آئی سے ان کے پارٹی رہنماؤں اور وکلاء کی ملاقات کا مقررہ وقت ختم ہو گیا ہے، اور کسی بھی سیاسی رہنما کو ملاقات کی اجازت نہیں دی جا سکی۔ وقت ختم ہونے کے بعد تمام رہنما داہگل ناکے سے واپس روانہ ہو گئے۔

ملاقات کے لیے آنے والے افراد میں وکلاء غلام فاروق اعوان، سید سہیل مکرم اور ضیاء اللہ خان کے علاوہ سید عبید کاظمی، فرزانہ سفیر اور عاصمہ راجہ بھی اڈیالہ روڈ تک آئے تھے تاہم حکام کی جانب سے اندر جانے کی اجازت نہ ملنے پر وہ واپس لوٹ گئے۔ پولیس اور انتظامیہ کے مطابق اس دوران اڈیالہ روڈ پر ٹریفک کی روانی مکمل طور پر معمول کے مطابق رہی۔