ایرانی وزارت خارجہ کا کینیڈین وزیراعظم مارک کارنی کے بیان پر سخت ردعمل

ایرانی وزارتِ خارجہ کے ترجمان اسماعیل بقائی نے کینیڈا کے وزیرِ اعظم مارک کارنے (Mark Carney) کے حالیہ بیانات پر سخت ردِعمل دیتے ہوئے کہا ہے کہ کینیڈین قیادت نے امریکہ کی مبینہ جارحیت اور جنگی اقدامات کی مذمت کرنے کے بجائے واشنگٹن کو خوش کرنے کی کوشش کی ہے۔ ترجمان کے مطابق، اوٹاوا نے ایران کو تباہ کرنے سے متعلق امریکی دھمکیوں کو صرف ‘جنگی زبان’ قرار دے کر ٹالنے اور امریکی صدر کے بیانات کو نرم کر کے پیش کرنے کی ناکام کوشش کی ہے، جبکہ وقت ہمیشہ کے لیے ایسی منافقت کا پردہ قائم نہیں رہنے دیتا۔

اسماعیل بقائی نے واضح کیا کہ کسی طاقتور ملک کی زبان اپنانا یا اس کے دباؤ کے سامنے خودمختاری پر سمجھوتہ کرنا کسی بھی ریاست کی سلامتی کی ضمانت نہیں بن سکتا۔ انہوں نے کہا کہ دباؤ اور دھمکیوں کے سامنے ایران کا مزاحمت پر قائم رہنا ایک واضح اور اصول پسندانہ موقف ہے۔ ترجمان نے مزید متنبہ کیا کہ عالمی امور میں طاقت کے زور کو تسلیم کرنا کمزور ممالک کے لیے ہمیشہ نقصان دہ ثابت ہوا ہے، لہٰذا بین الاقوامی روابط میں طاقت کی دھونس کے بجائے دلیل، وقار اور عالمی اصولوں کو ترجیح دی جانی چاہیے۔