پاکستان سٹاک ایکسچینج میں مثبت رجحان، انڈیکس 186 پوائنٹس بڑھ گیا

پاکستان اسٹاک ایکسچینج (PSX) میں کاروباری ہفتے کے چوتھے روز ٹریڈنگ کا آغاز مثبت زون میں ہوا ہے۔ مارکیٹ کھلتے ہی سرمایہ کاروں کی جانب سے خریداری کا رجحان دیکھا گیا جس کے نتیجے میں بینچ مارک KSE-100 انڈیکس میں مزید 186 پوائنٹس کا اضافہ ریکارڈ کیا گیا۔

اس اضافے کے بعد ہنڈرڈ انڈیکس بڑھ کر 1 لاکھ 72 ہزار 400 پوائنٹس کی سطح پر پہنچ گیا ہے۔ یاد رہے کہ گزشتہ کاروباری روز کے اختتام پر 100 انڈیکس 830 پوائنٹس کے نمایاں اضافے کے ساتھ 1 لاکھ 72 ہزار 200 پوائنٹس کی اہم نفسیاتی حد پر بند ہوا تھا، اور آج کے سیشن کے آغاز میں بھی وہی تیزی کا تسلسل برقرار ہے۔