مسلسل اصلاحات اور مضبوط ذخائرپاکستان کے معاشی منظر نامےکو سہارا دے رہے ہیں: اے ڈی بی

ایشیائی ترقیاتی بینک (ADB) نے اپنی تازہ ترین معاشی رپورٹ میں کہا ہے کہ پاکستان کی جاری مسلسل اصلاحات اور زرمبادلہ کے مضبوط ذخائر ملک کے معاشی منظر نامے کو استحکام اور سہارا فراہم کر رہے ہیں۔ اے ڈی بی کے مطابق حکومتِ پاکستان کی جانب سے مالیاتی نظم و ضبط، توانائی کے شعبے میں جاری ساختاتی اصلاحات اور سخت زری پالیسی پر عمل درآمد کی وجہ سے معاشی بحالی کا عمل مثبت سمت میں آگے بڑھ رہا ہے، جس سے سرمایہ کاروں کے اعتماد میں اضافہ ہوا ہے۔

رپورٹ میں مزید نشاندہی کی گئی ہے کہ عالمی مالیاتی اداروں کے تعاؤن، بیرونی مالیاتی بہاؤ کی بہتری اور مرکزی بینک کے زرمبادلہ ذخائر میں مستحکم اضافے نے پاکستان کی بیرونی ادائیگیوں کے دباؤ کو نمایاں طور پر کم کیا ہے۔ ایشیائی ترقیاتی بینک کا کہنا ہے کہ پائیدار معاشی نمو کے حصول کے لیے پاکستان کو ٹیکس نیٹ کی توسع، نجکاری کے عمل اور موسمیاتی تبدیلیوں کے اثرات سے نمٹنے کے لیے اصلاحاتی ایجنڈے کو طویل المدتی بنیادوں پر جاری رکھنا ہوگا۔