عالمی مارکیٹ میں خام تیل سستا، فی بیرل قیمت 100 ڈالر سے نیچے آگئی

عالمی مارکیٹ میں خام تیل کی قیمتوں میں نمایاں کمی ریکارڈ کی گئی ہے، جس کے بعد فی بیرل قیمت 100 ڈالر کی سطح سے نیچے آگئی ہے۔ عالمی منڈی میں امریکی خام تیل (WTI) کی قیمت میں 5 فیصد سے زائد کی کمی دیکھی گئی اور یہ تقریباً 95 ڈالر فی بیرل کے قریب فروخت ہو رہا ہے۔ معاشی ماہرین کے مطابق تیل کی عالمی قیمتوں میں یہ اچانک ہٹ آؤٹ اور کمی ایران سے متعلق جنگ کے خدشات اور کشیدگی کے خاتمے کے لیے سفارتی پیش رفت کی امیدوں کے باعث سامنے آئی ہے۔

دوسری جانب، بین الاقوامی معیار کے حامل برطانوی خام تیل (Brent) کی قیمت میں بھی ساڑھے 3 فیصد سے زائد کی کمی ریکارڈ کی گئی ہے، جس کے بعد برینٹ کروڈ 99 سے 100 ڈالر فی بیرل کے درمیان ٹریڈ کر رہا ہے۔ رپورٹس کے مطابق سفارتی کوششوں میں بہتری اور ممکنہ پیش رفت سے عالمی منڈی میں سپلائی کی رکاوٹوں کا خوف کم ہوا ہے، جس کے اثرات براہِ راست خام تیل کے نرخوں میں کمی کی صورت میں ظاہر ہو رہے ہیں۔