بانی پی ٹی آئی سے منگل کو وکلا کی ملاقات کا دن، فہرست جیل حکام کو ارسال

بانی پاکستان تحریک انصاف (پی ٹی آئی) سے اڈیالہ جیل میں وکلا کی ملاقات کے لیے منگل کا دن مقرر کیا گیا ہے، جس کے پیشِ نظر پارٹی کی جانب سے 6 وکلا کے ناموں پر مشتمل فہرست جیل حکام کے حوالے کر دی گئی ہے۔ ذرائع کے مطابق یہ فہرست ایڈووکیٹ اویس یونس چودھری کی جانب سے جمع کرائی گئی۔ ملاقات کرنے والے وکلا میں بیرسٹر گوہر، نیاز اللہ نیازی، خالد یوسف چودھری، اویس یونس، ملک عاطف اور راجہ یاسر ایڈووکیٹ شامل ہیں، جو بانی پی ٹی آئی سے قانونی امور اور کیسز کی پیشرفت پر مشاورت کریں گے۔

دوسری جانب ذرائع کا کہنا ہے کہ نظر بندی کے احکامات اور قانونی پیچیدگیوں کے باعث بانی پی ٹی آئی کی بہنوں کی جیل آمد اور ملاقات کا امکان نہیں ہے، تاہم ان کے خاندان کے دیگر افراد کی آمد متوقع ہے۔ علاوہ ازیں، سابق خاتون اول بشریٰ بی بی کے اہلخانہ کے ارکان کا بھی بانی پی ٹی آئی سے جیل میں ملاقات کے لیے آنے کا قوی امکان ظاہر کیا جا رہا ہے۔