لاہور ہائیکورٹ: علیمہ خان کی 3-MPO کے تحت نظر بندی کے خلاف درخواست سماعت کے لیے مقرر

لاہور ہائیکورٹ نے بانی پی ٹی آئی عمران خان کی بہن علیمہ خان اور ان کے ڈرائیور کی تھری ایم پی او (3-MPO) کے تحت نظر بندی کے خلاف دائر کی گئی درخواست کو سماعت کے لیے مقرر کر دیا ہے۔ جسٹس عبہر گل درخواست گزار شاہریز خان کی اس درخواست پر سماعت کریں گی، جس میں درخواست گزار کی جانب سے ایڈووکیٹ رانا مدثر عمر جبکہ پنجاب حکومت کی جانب سے اسسٹنٹ ایڈووکیٹ جنرل محمد فرخ خان عدالت کے سامنے پیش ہوں گے۔

درخواست میں موقف اختیار کیا گیا ہے کہ ڈپٹی کمشنر (ڈی سی) لاہور نے علیمہ خان اور ان کے ڈرائیور کو غیر قانونی طور پر حراست میں لینے اور نظر بند کرنے کے احکامات جاری کیے ہیں۔ درخواست گزار نے عدالت سے استدعا کی ہے کہ ڈی سی لاہور کی جانب سے جاری کردہ 3-MPO کے حکم کو کالعدم اور منسوخ قرار دیا جائے، اور زیرِ حراست دونوں افراد کی فوری رہائی کے احکامات جاری کیے جائیں۔