ایران پر حملے کا فیصلہ کن جواب دیں گے: جنرل امیر حاتمی

ایرانی بری فوج کے کمانڈر ان چیف جنرل امیر حاتمی نے واضح الفاظ میں اعلان کیا ہے کہ ایرانی مسلح افواج ملک کی آزادی، خودمختاری اور جغرافیائی حدود کے دفاع کے لیے ایک لمحے کی تاخیر کے بغیر ہر وقت تیار ہیں۔ اپنے ایک بیان میں انہوں نے کہا کہ ایرانی ملت اور افواج نے ماضی میں بھی دشمنوں کی جارحیت کے خلاف بے مثال استقامت اور اتحاد کا مظاہرہ کیا ہے، اور اگر کسی بھی دشمن نے ایرانی سرزمین کی سلامتی کو نقصان پہنچانے کی کوشش کی تو اسے بھرپور اور فیصلہ کن جواب دیا جائے گا۔

جنرل امیر حاتمی نے مزید کہا کہ حالیہ مسلط کردہ جنگوں اور چیلنجز کے دوران ایرانی قوم نے ایمان، عزم اور داخلی صلاحیتوں کے بل بوتے پر دشمن کی زیادتیوں کا مقابلہ کیا۔ انہوں نے اس بات کا اعادہ کیا کہ ایران کی زمینی، فضائی اور بحری افواج جدید تجربات اور اعلیٰ صلاحیتوں کے ساتھ ہر قسم کی فضائی، زمینی اور سمندری سرحدوں کی حفاظت کے لیے ہمہ وقت الرٹ ہیں اور ملک کی دفاعی سیکیورٹی پر کوئی سمجھوتہ نہیں کیا جائے گا۔