خاران میں دہشت گردوں کا مسافر گاڑی پر آئی ای ڈی حملہ، مزدور زخمی

بلوچستان کے ضلع خاران میں ‘فتنہ الہندوستان’ کے دہشت گردوں نے لجے روڈ پر ایک مسافر گاڑی کو آئی ای ڈی (آئی ای ڈی) دھماکے سے نشانہ بنایا، جس کے نتیجے میں ایک غریب مزدور شدید زخمی ہو گیا جبکہ گاڑی میں سوار دیگر 9 مزدور بھی معمولی زخمی ہوئے۔ واقعے کی اطلاع ملتے ہی سیکیورٹی فورسز نے فوری طور پر موقع پر پہنچ کر متاثرہ مزدوروں کو ابتدائی طبی امداد فراہم کی اور انہیں باحفاظت علاج کے لیے قریبی طبی مرکز منتقل کیا۔

سیکیورٹی ذرائع کا کہنا ہے کہ فورسز سے مسلسل پسپائی اور ناکامیوں کے بعد فتنہ الہندوستان کا عام نہتے شہریوں اور محنت کش مزدوروں کو نشانہ بنانا ان کی شدید بوکھلاہٹ کا واضح ثبوت ہے۔ خاران میں بلوچ مزدوروں اور مسافر گاڑی پر یہ کاہلانہ حملہ اس بات کو ثابت کرتا ہے کہ ان شرپسند عناصر کا بلوچستان یا بلوچیت کے حقوق سے کوئی تعلق نہیں اور ان کا واحد مقصد علاقے میں بدامنی پھیلانا اور معصوم انسانوں کی زندگیوں سے کھیلنا ہے۔