پٹرولیم لیوی ختم نہ ہوئی تو 20 ستمبر سے سپر لانگ مارچ ہوگا: حافظ نعیم الرحمان
Web Desk
18 September 2026
امیر جماعت اسلامی پاکستان حافظ نعیم الرحمان نے مردان میں بڑے عوامی جلسے سے خطاب کرتے ہوئے کہا ہے کہ مردان کے عوام نے جلسے میں شرکت کر کے ایک بڑا سمندر اکٹھا کر دیا ہے اور عوام کی اس زبردست طاقت سے جماعت اسلامی کو نیا حوصلہ ملا ہے۔ انہوں نے واضح اعلان کیا کہ جماعت اسلامی ۲۰ ستمبر ۲۰۲۶ء سے اپنے ملک گیر ‘سپر لانگ مارچ’ کے لیے مکمل تیار ہے۔ حافظ نعیم الرحمان نے مطالبہ کیا کہ حکومت پٹرول کی قیمتوں میں فوری طور پر بڑی کمی کرے اور عوام پر مسلط کیا گیا پٹرولیم لیوی کا بھتہ ختم کرے۔ انہوں نے کہا کہ اگر حکومت پٹرولیم لیوی ختم کر دیتی ہے تو جماعت اسلامی کو لانگ مارچ کی کوئی ضرورت نہیں رہے گی۔
حافظ نعیم الرحمان نے لانگ مارچ کے پلان کی تفصیلات بتاتے ہوئے کہا کہ ۲۰ ستمبر سے شروع ہونے والے اس سپر لانگ مارچ میں کراچی، بلوچستان، پنجاب، سندھ اور خیبر پختونخوا کے تمام علاقوں سے قافلے بیک وقت وفاقی دارالحکومت اسلام آباد کی طرف پیش قدمی کریں گے۔ انہوں نے بتایا کہ کراچی سے ایک عظیم الشان ٹرین مارچ روانہ ہو گا جو ملتان اور دیگر اضلاع سے ہوتا ہوا لاہور اور بعد ازاں اسلام آباد پہنچے گا۔ امیر جماعت اسلامی نے حکومت سے مطالبہ کیا کہ نمائشی اسکیموں اور سیاسی ڈراموں کے بجائے عوام کو تعلیم، صحت اور روزگار کی حقیقی سہولیات فراہم کی جائیں کیونکہ اب قوم کو ریلیف پیکیجز کی خیرات نہیں بلکہ اپنا قانونی و آئینی حق چاہیے۔
وزیراعظم شہباز شریف اور حکومتی پالیسیوں پر شدید تنقید کرتے ہوئے حافظ نعیم نے سوال اٹھایا کہ عالمی منڈی میں تیل مہنگا ہونے کا بہانا بنا کر ہمیشہ پاکستانی عوام پر ہی پٹرول بم کیوں گرایا جاتا ہے؟ انہوں نے کہا کہ خطے میں جنگ کے باوجود بھارت میں پٹرول ۳۵ روپے سے زیادہ مہنگا نہیں ہوا لیکن پاکستان میں میزائل چلنے سے پہلے ہی غریب عوام پر مہنگائی کے بم داغ دیے جاتے ہیں۔ انہوں نے روایتی سیاسی جماعتوں کو خاندانی راج کا گڑھ قرار دیتے ہوئے کہا کہ ان کے اخراجات شوگر، آئی پی پیز اور بینک مافیا اٹھاتے ہیں۔ انہوں نے انتباہ دیا کہ ۱۱ ہزار سرکاری اسکولوں کی نجی کاری کر کے اب عوام کو بے وقوف نہیں بنایا جا سکتا، ہمارا سپر لانگ مارچ ہر صورت ہو گا اور عوام کا سمندر تمام حکومتی کنٹینرز کو بہا لے جائے گا۔
متعلقہ عنوانات
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم
16 November 2026
امیر تبلیغی جماعت حضرت مولانا نذرالرحمٰن انتقال کر گئے
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026
پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار
16 November 2026
یمنی حکومتی فورسز کا باب المندب کے علاقے سے انخلا کا اعلان
16 November 2026
غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم
16 November 2026
پاکستان سٹاک مارکیٹ میں کاروبار کا مثبت رحجان
16 November 2026
ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع
16 November 2026