عالمی سرمایہ کاروں کی پاکستان میں دلچسپی دوبارہ بڑھ رہی : وزیر خزانہ کا دعویٰ
Web Desk
17 September 2026
وفاقی وزیرِ خزانہ و ریونیو سینیٹر محمد اورنگزیب نے کہا ہے کہ حکومت کی جانب سے کی جانے والی بنیادی معاشی اصلاحات کے نتیجے میں عالمی سرمایہ کاروں کی پاکستان میں دلچسپی دوبارہ بڑھ رہی ہے۔ پاکستان ہائی کمیشن لندن کے زیرِ اہتمام منعقدہ ‘پاکستان انویسٹمنٹ راؤنڈ ٹیبل’ سے خطاب کرتے ہوئے وزیرِ خزانہ نے زور دیا کہ حکومت معاشی استحکام اور پائیدار ترقی کے حصول کے لیے مالیاتی و ادارہ جاتی اصلاحات پر مکمل توجہ مرکوز کیے ہوئے ہے۔ انہوں نے بتایا کہ بجٹ خسارے میں واضح کمی، حکومتی آمدن میں اضافہ اور ٹیکس اصلاحات کے اہداف کی جانب پیش رفت جاری ہے۔
سینیٹر محمد اورنگزیب نے تقریب کے شرکاء کو بتایا کہ سرکاری اداروں کی نجکاری، توانائی کے شعبے میں بہتری، مالی شفافیت اور ‘ایز آف ڈوئنگ بزنس’ (کاروبار میں آسانی) کے لیے عملی اقدامات کیے جا رہے ہیں۔ انہوں نے وضاحت کی کہ ٹیکس بیس کو وسیع بنایا جا رہا ہے، تاہم اس عمل میں تنخواہ دار طبقے پر کوئی نیا اضافی ٹیکس عائد نہیں کیا گیا۔ عالمی معاشی چیلنجز، سیلاب کے اثرات اور مشرقِ وسطیٰ کی صورتحال کا تذکرہ کرتے ہوئے ان کا کہنا تھا کہ پاکستان نے آئی ایم ایف (IMF) کے تمام جائزوں کو مقررہ وقت پر مکمل کیا ہے جس سے بین الاقوامی ریٹنگ ایجنسیوں کی جانب سے پاکستان کی کریڈٹ ریٹنگ میں بہتری آئی ہے۔ تقریب کے اختتام پر عالمی مالیاتی اداروں اور سرمایہ کاروں کے ساتھ ایک جامع سوال و جواب کا سیشن بھی منعقد ہوا۔
متعلقہ عنوانات
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم
16 November 2026
امیر تبلیغی جماعت حضرت مولانا نذرالرحمٰن انتقال کر گئے
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026
پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار
16 November 2026
یمنی حکومتی فورسز کا باب المندب کے علاقے سے انخلا کا اعلان
16 November 2026
غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم
16 November 2026
پاکستان سٹاک مارکیٹ میں کاروبار کا مثبت رحجان
16 November 2026
ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع
16 November 2026