LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار یمنی حکومتی فورسز کا باب المندب کے علاقے سے انخلا کا اعلان غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم پاکستان سٹاک مارکیٹ میں کاروبار کا مثبت رحجان ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع ڈسپلن کی خلاف ورزی اور ناقص کارکردگی، عماد بٹ اذلان شاہ ہاکی ٹورنامنٹ سے باہر جنوبی کوریا میں اے آئی کے ذریعے امتحان میں نقل کرنے والا ٹاپر پکڑا گیا ٹرمپ کی قدامت پسند ججوں کی تقرری کی کوششوں کو ریپبلکن سینیٹرز کی مخالفت کا سامنا امریکا میں فضائی آپریشن تیسرے روز بھی متاثر، 5 ہزار زائد پروازیں منسوخ یا تاخیر کا شکار مقبوضہ مغربی کنارے میں اسرائیلی فوج کے چھاپے، 2 فلسطینی بھائی گرفتار، 4 افراد زخمی مکہ اور مدینہ کی جانب بھیجے گئے حوثیوں کے 3 ڈرونز تباہ کر دیے، ترکی المالکی ابوظہبی: بچوں میں کاروباری و تخلیقی صلاحیتیں اجاگر کرنے والا ہوامیر فریجنا فیسٹیول اختتام پذیر ورلڈ پولیس سمٹ 2026ء، پنجاب سیف سٹیز اتھارٹی کے سربراہ 2 اہم سیشنز سے خطاب کریں گ

انتظامی یونٹس یا نئے صوبے لازم ہو چکے ہیں: فاروق ستار

Web Desk

17 September 2026

متحدہ قومی موومنٹ (ایم کیو ایم) پاکستان کے سینئر رہنما ڈاکٹر فاروق ستار نے کہا ہے کہ عوام تک اختیارات کی حقیقی منتقلی اور درپیش مسائل کے پائیدار حل کے لیے نئے انتظامی یونٹس یا نئے صوبوں کی تشکیل اب ناگزیر اور لازم ہو چکی ہے۔ لاہور کے ایک نجی ہوٹل میں منعقدہ 16ویں نیشنل یوتھ پیس فیسٹیول کے افتتاحی سیشن سے خطاب کرتے ہوئے انہوں نے زور دیا کہ مسائل کے حل کے لیے جو بھی آئینی و انتظامی راستہ ممکن ہو، اسے بلا تاخیر اختیار کیا جانا چاہیے۔ اس دو روزہ فیسٹیول میں ملک بھر سے 300 سے زائد نوجوانوں نے شرکت کی، جبکہ منتظمین کے مطابق اس کا بنیادی مقصد فیصلہ سازی میں یوتھ کی شمولیت، سماجی ہم آہنگی اور بین المذاہب مکالمے کو فروغ دینا ہے۔

ڈاکٹر فاروق ستار نے اپنے خطاب میں مطالبہ کیا کہ آئین کے آرٹیکل 140 اے کے تحت بلدیاتی نظام میں بنیادی اصلاحات کی جائیں تاکہ پاور ڈیولوشن (اختیارات کی نچلی سطح تک منتقلی) کے ذریعے مقامی نمائندے عوامی مسائل کو ان کی دہلیز پر حل کر سکیں۔ انہوں نے واضح کیا کہ ایم کیو ایم نچلی سطح تک اقتدار کی منتقلی کے لیے جدوجہد کر رہی ہے۔ تقریب میں رکن قومی اسمبلی رومینہ خورشید اور ایم کیو ایم یوتھ پنجاب کے صدر قاسم بخاری سمیت دیگر اہم شخصیات نے بھی شرکت کی اور نوجوانوں کے کردار کی اہمیت پر زور دیا۔