LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پنجاب: پولیس ریکارڈ سرٹیفکیٹ کے اجرا کا نیا قانونی طریقہ متعارف کرانے کا فیصلہ اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات

پراپرٹی ویلیو ٹیکس کے خلاف تاجروں کا شدید احتجاج

Web Desk

15 December 2025

صدر اسلام آباد چیمبر آف کامرس سردار طاہر نے تاجر نمائندوں کے ہمراہ پراپرٹی ویلیو ٹیکس کے خلاف پریس کانفرنس کرتے ہوئے کہا ہے کہ پاکستان میں پہلے ہی کاروبار کرنا جرم بن چکا ہے اور نامساعد حالات کے باوجود تاجر طبقہ آخری سانسیں لے کر کاروبار چلا رہا ہے۔

سردار طاہر نے کہا کہ نومبر 2025 میں پراپرٹی ویلیو ٹیکس سے متعلق ایس آر او جاری کیا گیا، جس کے بعد ٹرانسفر فیس میں ہوشربا اضافہ کیا گیا۔ انہوں نے بتایا کہ پہلے 40 لاکھ روپے تک کی ٹرانسفر فیس کو ایک کروڑ روپے تک بڑھا دیا گیا جبکہ راتوں رات ٹرانسفر فیس نو سو ہزار گنا تک بڑھا دی گئی۔

صدر اسلام آباد چیمبر نے کہا کہ ملک میں ہر سال 15 لاکھ گھروں کی کمی واقع ہو رہی ہے، ایسے میں ایف بی آر کی جانب سے دو سو فیصد سے لے کر 1700 فیصد تک فیسوں میں اضافہ ناقابلِ قبول ہے۔ انہوں نے الزام لگایا کہ ایف بی آر نے بغیر زمینی حقائق دیکھے پراپرٹی ویلیو ایڈ کی ہے۔

سردار طاہر کا کہنا تھا کہ ڈی سی ریٹس کو کسی فیصد کے حساب سے ری ویلیو کیا جاتا ہے جبکہ ایف بی آر برسوں بعد جاگ کر غیر حقیقت پسندانہ ویلیو ایڈ کر دیتا ہے۔ انہوں نے کہا کہ جو ویلیو ایڈ کی گئی ہے، اس سے کم پر ہم ایف بی آر کو جائیداد دینے کو بھی تیار ہیں۔

انہوں نے دعویٰ کیا کہ نااہل اور ناسمجھ فیصلوں کے باعث پراپرٹی ٹرانسفر مکمل طور پر رک چکی ہے اور گزشتہ چار دنوں میں حکومتی خزانے میں ایک روپے کا ٹیکس بھی جمع نہیں ہوا۔

سردار طاہر نے چیف آف ڈیفنس فورسز اور وزیر خزانہ سے مطالبہ کیا کہ معاملے کا فوری حل نکالا جائے۔ انہوں نے خبردار کیا کہ اگر 22 تاریخ تک ویلیو ٹیبل ختم نہ کی گئی تو چیئرمین ایف بی آر کے دفتر کے باہر بھرپور احتجاج کیا جائے گا۔

پریس کانفرنس سے خطاب کرتے ہوئے تاجر رہنما اجمل بلوچ نے کہا کہ وزیراعظم بیرون ملک سرمایہ کار ڈھونڈنے جاتے ہیں لیکن ملک میں ایک بھی نیا انویسٹر نہیں آ رہا۔ انہوں نے الزام لگایا کہ وزیر خزانہ نے تاجر برادری کو تباہ کر دیا ہے اور مطالبہ کیا کہ وزیر خزانہ کو فوری طور پر ہٹایا جائے۔

اجمل بلوچ نے کہا کہ رشوت کے بغیر ایف بی آر میں کوئی کام نہیں ہوتا، کرپشن کی سزا موت ہونی چاہیے اور پوائنٹ آف سیل سسٹم ختم کیا جائے۔ انہوں نے اعلان کیا کہ تاجر برادری متحد ہے اور پورے زور کے ساتھ احتجاج ریکارڈ کروائے گی۔