واشنگٹن کے تمام اقدامات تیل کی قیمتوں میں اضافہ روکنے میں ناکام رہے ہیں، باقر قالیباف

ایران کی پارلیمنٹ (مجلس) کے اسپیکر محمد باقر قالیباف نے کہا ہے کہ عالمی منڈی میں خام تیل کی مسلسل بڑھتی ہوئی قیمتوں کو کنٹرول کرنے کے لیے واشنگٹن کی تمام تدابیر اور کوششیں مکمل طور پر ناکام ہو چکی ہیں۔ سوشل میڈیا پلیٹ فارم ‘ایکس’ (سابقہ ٹوئٹر) پر جاری بیان میں ایرانی اسپیکر نے امریکہ کی جانب سے قیمتوں میں استحکام لانے کی کوششوں کا مذاق اڑاتے ہوئے کہا کہ امریکی محکمہ خزانہ اپنے پاس موجود تمام انتظامی و معاشی حربے ایک ایک کر کے آزمائے گا، لیکن اس کے باوجود خام تیل کی قیمتوں میں اضافے کا بنیادی رجحان تبدیل نہیں کیا جا سکے گا۔

محمد باقر قالیباف نے الزام عائد کیا کہ واشنگٹن کے ان حربوں میں ایگزیوس (Axios) جیسے میڈیا پلیٹ فارمز کے ذریعے مبینہ گمراہ کن رپورٹس کی اشاعت، عالمی منڈی میں یکطرفہ مداخلت اور امریکہ کے اپنے اسٹریٹجک پیٹرولیم ذخائر (SPR) کا مسلسل اجرا شامل ہے۔ انہوں نے طنز کرتے ہوئے مزید کہا کہ امریکی انتظامیہ ان تمام طریقوں کو استعمال کرنے کے باوجود عالمی مارکیٹ میں تیل کے نرخوں میں اضافے کو واپس لانے میں کامیاب نہیں ہو سکتی، لہٰذا مستقبل میں تیل کی قیمتوں پر اس کے شدید اثرات مرتب ہونا یقینی ہیں