یوکرین کے شمالی شہر سومی میں روسی ڈرون حملے میں 3 افراد ہلاک

یوکرین کے شمالی سرحدی شہر سومی میں روسی فورسز کے شدید ڈرون حملے کے نتیجے میں کم از کم 3 افراد ہلاک اور 2 زخمی ہو گئے ہیں۔ بین الاقوامی خبر رساں ایجنسیوں کے مطابق یوکرینی حکام نے تصدیق کی ہے کہ ایک روسی کامیکازی ڈرون نے سومی شہر کے ایک مصروف شاپنگ سینٹر کو براہِ راست نشانہ بنایا، جس کے بعد عمارت میں ہولناک آگ بھڑک اٹھی اور بنیادی ڈھانچے کو شدید نقصان پہنچا۔

یوکرینی حکام کے مطابق دھماکے کے فوراً بعد امدادی ٹیمیں موقع پر پہنچ گئیں اور تباہ شدہ شاپنگ سینٹر کے ملبے تلے دبے افراد کو نکالنے کے لیے ریسکیو کارروائیاں جاری ہیں۔ دوسری جانب ماسکو کی جانب سے جاری بیان میں کہا گیا ہے کہ روسی حدود کے تحفط کو یقینی بنانے کے لیے سومی کے علاقے میں ایک بفر زون قائم کرنے کا باضابطہ اعلان کر دیا گیا ہے، جس سے سرحد کے دونوں اطراف عسکری کشیدگی میں مزید اضافے کا خدشہ پیدا ہو گیا ہے۔