ایران نے جنگ کے خاتمے کیلئے امریکا کے سامنے متعدد شرائط رکھ دیں

تہران: ایرانی پاسدارانِ انقلاب (IRGC) کے ترجمان حسین محبی نے کشیدگی اور جنگ کے باضابطہ خاتمے کے لیے امریکا کے سامنے اپنے مطالبات اور متعدد سخت شرائط پیش کر دی ہیں۔

ترجمان پاسدارانِ انقلاب حسین محبی کے مطابق جنگ اور خطے میں کشیدگی صرف اسی صورت ختم ہو سکتی ہے جب امریکا درج ذیل مطالبات کو تسلیم کرےدھمکیوں اور مداخلت کا خاتمہ: امریکا ایران کو دھمکیاں دینا فوری بند کرے اور ملک کے جوہری و میزائل پروگرام میں کسی بھی قسم کی مداخلت سے مکمل باز رہے۔منجمد اثاثوں کی بحالی: امریکا کی جانب سے منجمد کیے گئے ایران کے 24 ارب ڈالر کے اثاثے فوری طور پر بحال کیے جائیں۔لبنان سے اسرائیلی انخلا: لبنان کی سرزمین سے اسرائیلی فوج کا مکمل انخلا یقینی بنایا جائے۔حسین محبی نے واضح کیا کہ ایران اپنے دفاع، قومی مفادات اور خودمختاری کے معاملے پر کسی قسم کا سمجھوتہ نہیں کرے گا۔ انہوں نے زور دے کر کہا کہ امریکی جارحیت کے مکمل خاتمے اور ایرانی مطالبات تسلیم کیے جانے پر ہی خطے میں جنگ کے خاتمے کی راہ ہموار ہو سکتی ہے۔