شہزادہ ہیری اور میگھن شاہی خاندان کے غیر فعال ارکان ہی رہیں گے: شہزادہ چارلس کا اعلان

برطانوی بادشاہ چارلس سوم نے ایک باضابطہ خط کے ذریعے واضح کر دیا ہے کہ برطانیہ واپسی کے باوجود شہزادہ ہیری اور ان کی اہلیہ میگھن مارکل شاہی خاندان کے غیر فعال ارکان (Non-Working Royals) ہی رہیں گے اور وہ کوئی بھی سرکاری یا شاہی ذمہ داری انجام نہیں دیں گے۔ بادشاہ کی ہدایت پر لارڈ چیمبرلین (شاہی محل کے سینئر ترین اہلکار) کی جانب سے اعلیٰ حکومتی اور عسکری حکام کو بھیجے گئے اس گائیڈ لائن خط میں کہا گیا ہے کہ 2020 میں شاہی فرائض سے دستبرداری کے بعد جوڑے کے ‘ایچ آر ایچ’ (HRH) شاہی القابات کے استعمال کی معطلی برقرار رہے گی اور وہ آئندہ بھی کسی قسم کی فلاحی سرگرمی صرف اپنی ذاتی و نجی حیثیت میں ہی سرانجام دیں گے۔

خط میں واضح کیا گیا ہے کہ شاہی خاندان سے الگ ہونے کے بعد ان کی حیثیت عام شہریوں جیسی ہے جن کے اپنے تجارتی اور فلاحی مفادات ہیں۔ اس کے علاوہ جوڑے کی سیکیورٹی سے متعلق امور متعلقہ پولیس اداروں اور رائل اینڈ وی آئی پی ایگزیکٹیو کمیٹی (RAVEC) کے اختیار میں ہیں۔ شاہی محل کے ذرائع کے مطابق اس تحریری وضاحت کا مقصد برطانیہ میں مقیم ہونے والے جوڑے کے مقام و مرتبے کے بارے میں کسی بھی ابہام یا متوازی شاہی عدالت کے تاثر کو دور کرنا ہے، کیونکہ شہزادہ ہیری سرکاری پولیس سیکیورٹی کی بحالی کے لیے طویل عرصے سے قانونی اور حکومتی سطح پر کوششیں کرتے رہے ہ