شادی کی تقریب پر حملے میں استعمال ہتھیار امریکی ساختہ تھے، ایرانی عدلیہ

ایرانی عدلیہ نے ایک اہم بیان میں دعویٰ کیا ہے کہ صوبہ ہرمزگان کے علاقے سیرک میں شادی کی تقریب پر حملے کے لیے استعمال ہونے والے ہتھیار امریکی ساختہ تھے۔ عدالتی حکام کے مطابق جائے وقوعہ سے ملنے والے میزائل کے ٹکڑوں، بیٹری اور گائیڈنس سسٹم پر موجود کوڈز اور بار کوڈز سے یہ واضح ہوا ہے کہ یہ اسلاحہ امریکی دفاعی کمپنی ‘ریتھیون’ (Raytheon) کا تیار کردہ تھا۔ یاد رہے کہ یکم ستمبر کو سیرک کے علاقے کوہستک میں شادی کی تقریب پر خوفناک حملہ ہوا تھا جس میں متعدد افراد جان کی بازی ہار گئے تھے، جبکہ ایرانی حکام نے ملبے کی تحقیق کے بعد اس کی ذمہ داری امریکی ساختہ گولہ بارود پر عائد کی ہے۔