ایران کا خودمختاری اور قومی مفادات کے دفاع کیلئے فیصلہ کن اقدامات کا اعلان

ایران نے ملکی خودمختاری، قومی مفادات اور بحری حدود کے دفاع کے لیے امریکی اقدام کے خلاف سخت اور فیصلہ کن اقدامات اٹھانے کا اعلان کر دیا ہے۔ ایرانی وزارتِ خارجہ نے اپنے آئل ٹینکرز پر امریکی فورسز کے حملوں کی شدید مذمت کرتے ہوئے انہیں بین الاقوامی قوانین کی کھلی خلاف ورزی اور جنگی جرم قرار دیا ہے۔ تہران نے موقف اپنایا ہے کہ امریکی کارروائیوں اور بحری ناکہ بندی سے نہ صرف خطے کے امن کو شدید خطرات لاحق ہیں بلکہ عالمی تجارتی جہاز رانی بھی متاثر ہو رہی ہے۔ ایرانی حکام نے واضح کیا کہ امریکہ کی جانب سے تجارتی جہازوں کو ہراساں کرنے اور معاشی دباؤ ڈالنے کی پالیسی کا ہر سطح پر ڈٹ کر مقابلہ کیا جائے گا اور ملکی سلامتی کے تحفظ کے لیے تمام ممکنہ اقدامات کیے جائیں گے۔