سیالکوٹ: مسلح ڈاکو گھر سے ساڑھے 3 کروڑ روپے کا سونا، سعودی ریال اور نقدی لے اڑے

سیالکوٹ میں تھانہ ہیڈمرالہ کے حدود چک ہڑو میں ڈکیتی کی ایک بڑی اور ہولناک واردات پیش آئی ہے، جہاں 5 مسلح ڈاکوؤں نے ایک گھر کے تمام افراد کو یرغمال بنا کر ایک کمرے میں بند کر دیا اور کروڑوں روپے مالیت کے طلاعی زیورات و غیر ملکی کرنسی لوٹ کر فرار ہو گئے۔ متاثرہ خاندان کے مطابق گھر کے مالکان ملک علی قاسم بیرونِ ملک مقیم ہیں جبکہ واردات کے وقت ان کی اہلیہ اور بچے گھر پر موجود تھے۔ ڈاکوؤں نے گھر میں داخل ہوتے ہی اہلخانہ کو اسلحے کے زور پر محصور کیا اور الماریوں کے تالے توڑ کر قیمتی اشیاء سمیٹ کر فرار ہو گئے۔