نائجیریا میں فوجی طیارہ دریا کے قریب گر کر تباہ، تمام 32 افراد جاں بحق

نائجیریا کی جنوب مغربی ریاست اوندو میں نائجیرین فضائیہ کا ایک طیارہ معمول کے پرواز کے دوران گر کر تباہ ہوگیا، جس کے نتیجے میں طیارے میں سوار تمام 32 افراد جاں بحق ہوگئے۔ نائجیریا کے صدارتی دفتر کے مطابق طیارہ بینن سٹی سے لاگوس جا رہا تھا اور اس میں 25 مسافر اور عملے کے 7 ارکان سوار تھے۔ نائجیریا کے صدر بولا ٹینوبو نے اس دلخراش حادثے پر گہرے دکھ اور رنج کا اظہار کرتے ہوئے فضائیہ کو واقعے کی فوری اور مکمل تحقیقات کرنے کی ہدایت جاری کر دی ہے تاکہ حادثے کی اصل وجوہات کا تعین کیا جا سکے۔