LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
ایران جنگ مشرقِ وسطیٰ میں امریکی اڈوں کے مستقبل پر سوالیہ نشان ثابت ہوئی، برطانوی اخبار پرشین گلف سٹریٹ اتھارٹی کا ایرانی ضوابط توڑنے والے بحری جہازوں کو انتباہ گنی میں لینڈ فل سائٹ پر مٹی کا تودہ گرنے سے 30 افراد ہلاک جنگ کے دوران انتخابات سے یوکرین تباہ، عوام تقسیم ہو جائے گی: زیلنسکی غزہ پر اسرائیلی فضائی حملے جاری، 4 سالہ بچے سمیت 2 افراد شہید، 7 زخمی ترکیہ کے ساتھ جنگ کی کوششیں، اسرائیلی اخبار کی نیتن یاہو پر تنقید چین کے 2 بحری جہاز آبنائے ہرمز کے ایرانی علاقے میں داخل ہو گئے ہتھیاروں کی فراہمی سے برطانیہ، فرانس بھی اسرائیلی جرائم میں شریک ہو رہے ہیں: ایران ایران کیخلاف امریکی جنگ کے اخراجات یومیہ 5 ارب ڈالر تک جا پہنچے ایران آئندہ 50 برسوں کے ممکنہ خطرات سے نمٹنے کی تیاری کر رہا ہے، جنرل ابن الرضا دفاعی صنعت جدید ہتھیاروں کے نظام اور فوجی سازوسامان تیار کر رہی ہے، ایرانی وزارت دفاع امریکا کا ایران پر نیا معاشی دباؤ فوجی محاذ پر ناکامی کا بالواسطہ اعتراف ہے، پاسداران انقلاب ’’منجمد خارجہ پالیسی، منجمد معیشت کو جنم دیتی ہے‘‘، ایرانی سپیکر کا امریکی پالیسی پر طنزیہ وار صدر مملکت سے سعودی سفیر کی الوداعی ملاقات، عوامی محبت و تعاون پر اظہار تشکر نائب وزیراعظم اسحاق ڈار سرکاری دورے پر لندن پہنچ گئے

ٹیکس دہندگان کے اسٹیٹس سے متعلق ایف بی آر کی وضاحت

Web Desk

3 November 2025

فیڈرل بورڈ آف ریونیو (ایف بی آر) نے ٹیکس دہندگان کے اسٹیٹس کے حوالے سے گردش کرنے والی خبروں کی وضاحت کرتے ہوئے کہا ہے کہ فعال یا غیر فعال ٹیکس دہندگان کا درجہ ٹیکس سال 2024 کے جمع شدہ گوشواروں کی بنیاد پر طے کیا جائے گا۔ ایف بی آر کے مطابق بعض میڈیا پلیٹ فارمز پر یہ تاثر دیا جا رہا ہے کہ بڑی تعداد میں ٹیکس دہندگان کو فوراً غیر فعال قرار دیا گیا ہے، جو کہ درست نہیں۔

ایف بی آر نے واضح کیا کہ وہ ٹیکس دہندگان جنہوں نے بروقت یا سسٹم کے ذریعے مقررہ مدت میں توسیع کی درخواست جمع کروائی ہے، انہیں ایکٹیو ٹیکس پیئرز لسٹ (ATL) سے نہیں نکالا گیا۔ مزید بتایا گیا کہ ٹیکس سال 2025 کے لیے فعال ٹیکس دہندگان کی فہرست، ٹیکس سال 2024 کے گوشواروں کی بنیاد پر تیار کی جائے گی، جبکہ 15 نومبر 2025 تک گوشوارے جمع کرانے والے نئے فائلرز کو بھی اس فہرست میں شامل کرلیا جائے گا۔

اعلامیے کے مطابق چیئرمین ایف بی آر کی ہدایات پر سسٹم کے ذریعے توسیع کی درخواست دینے والوں کو خودکار طور پر 15 دن کی توسیع فراہم کر دی گئی ہے۔ انکم ٹیکس قوانین میں حالیہ ترامیم کے بعد دستی طور پر گوشوارے جمع کرانے کا طریقہ ختم کردیا گیا ہے، تاہم گزشتہ سال دستی فارم جمع کرانے والوں کو ای فائلنگ کے لیے ایک ماہ کی خصوصی مہلت دی جا رہی ہے۔

ایف بی آر نے ریجنل ٹیکس آفسز کو ہدایت کی ہے کہ وہ ایسے تمام ٹیکس دہندگان کی مکمل معاونت کریں تاکہ وہ باآسانی ای فائلنگ نظام میں منتقل ہوسکیں۔ مزید بتایا گیا کہ جو افراد مقررہ تاریخ تک گوشوارے جمع نہیں کرا سکے، وہ اب بھی 15 نومبر تک متعلقہ کمشنر کو وجوہات بتاکر آن لائن توسیع کی درخواست دے سکتے ہیں۔

بیان کے آخر میں ایف بی آر کا کہنا تھا کہ ادارہ ٹیکس دہندگان کی سہولت، شفافیت اور ڈیجیٹل نظام کے ذریعے ٹیکس کمپلائنس کو فروغ دینے کے لیے پرعزم ہے اور اس بات کو یقینی بنایا جائے گا کہ تمام مستند فائلرز اپنا فعال اسٹیٹس برقرار رکھ سکیں۔