ٹرمپ انتظامیہ کا ایران کو سہارا دینے والے تمام معاشی ذرائع ختم کرنے کا اعلان

امریکی وزیرِ خزانہ اسکاٹ بیسنٹ نے دعویٰ کیا ہے کہ ایرانی اعلیٰ قیادت نے ملک میں بڑھتی ہوئی معاشی مشکلات کا علانیہ اعتراف کر لیا ہے، جس سے ثابت ہوتا ہے کہ امریکی معاشی دباؤ مؤثر ثابت ہو رہا ہے۔ انہوں نے کہا کہ ایرانی صدر نے جنگ کے جلد خاتمے کی ضرورت پر زور دیا ہے جبکہ ایرانی پارلیمنٹ کے اسپیکر باقر قالیباف نے بھی تسلیم کیا ہے کہ صرف فوجی طاقت سے ملک نہیں چل سکتا اور اگر عوام بھوکے ہوں یا معاشی ترقی اور ملکی پیداوار رک جائے تو ریاست کا قائم رہنا دشوار ہو جاتا ہے۔ اسکاٹ بیسنٹ نے مزید واضح کیا کہ ٹرمپ انتظامیہ ایران کو معاشی سہارا دینے والے تمام ذرائع اور وسائل کو اس وقت تک ختم کرتی رہے گی جب تک تہران مکمل طور پر عالمی سطح پر تنہا نہیں ہو جاتا۔